Neste artigo recompilo algunhas das fontes galegas máis coñecidas, para que non teñas que andar buscándoas se as necesitas, como me pasou a min.
Galicia Diario 1922
A tipografía Galicia Diario 1922 baséase no deseño de Castelao para o xornal nacionalista Galicia, Diario de Vigo (1922-1926). Deseñada por Alberto Varela Ferreiro, é de inspiración medieval e modernista. As súas formas reflicten a intención política e cultural de reivindicar as raíces galegas. Descrición da fonte en inglés.
Gallaecia
A tipografía Gallaecia, deseñada por Alberto Varela Ferreiro, está inspirada nas inscricións do dintel do Pórtico da Gloria da Catedral de Santiago de Compostela. De estilo medieval, reflicte a riqueza histórica e cultural galega, sendo ideal para proxectos que busquen evocar a tradición e a identidade de Galicia.
Comic Arousa
A Comic Arousa é unha tipografía de estilo informal e creativo deseñada por Rubén Prol a través de Ipanema Gráfica. Publicada en 2007, destaca pola súa versatilidade e é completamente gratuíta. Ideal para proxectos desenfadados, conta con 143 glifos e licenza Creative Commons.
Uralita
A tipografía Uralita, creada por Rubén Prol, está inspirada en inscricións antigas e presenta un estilo decorativo e sinuoso. É ideal para proxectos que busquen evocar un carácter histórico ou artístico, destacando pola súa elegancia e personalidade única.
Galllaecia Castelo
Esta fonte non fun capaz de atopala para a súa descarga nunha web de fontes. Descargueina dende Mediafire e de Gallaecia Fulget.
Gallaecia Forte
Gallaecia Forte, desenvolvida por David Calviño, é unha adaptación a estilo pixel da tipografía Gallaecia Castelo deseñada por Carlos Nuñez. É unha tipografía AllCaps con licencia gratuita para usos tanto personais como comerciais.
A letra do Reino
A letra do Reino é unha tipografía medieval galega que se creou a partir de fontes que se empregaron en manuscritos e representacións pétreas e pictóricas da Idade Media en Galicia.
Ligazóns útiles:
- https://rubenprol.gal
- https://www.dafont.com/es/ipanema-grafica.d910
- https://www.1001freefonts.com/es/designer-alberto-varela-ferreiro-fontlisting.php
- https://xanostesaqui.blogspot.com/2019/08/descargar-fontes-galegas.html
- https://www.flickr.com/photos/kruzul/4820833730
- https://www.mediafire.com/download/lmt9dzdydnm/Tipograf%C3%ADas+galegasGalician+fonts.zip
- https://galicia.diletante.net/eng.php?extra
- https://galicia.diletante.net/arquivos/fontes_galegas.zip